उद्यमी प्रभाकर शमशेर राणाको ८४ वर्षको उमेरमा निधन भएको छ । अमेरिकाको एक अस्पतालमा उनको निधन भएको हो । ढाडमा समस्या देखिएपछि ११ महिनादेखि उपचाररत उनको विहिबार बिहान ४ः३३ मा निधन भएको हो ।
राणाका एक छोरा सिद्धार्थ र एक छोरी माया छिन् । सोल्टी होटल, सिप्रदी, सूर्य नेपालका संस्थापक हुन् । राणाले अहिले आफ्नो व्यवसायिक जिम्मेवारी छोरालाई सुम्पिएका छन् । उनले त्रिशक्ति पट्ट तथा प्रसिद्ध प्रबल गोर्खा दक्षिण बाहु पुरस्कार पाएका थिए ।
अमेरिकाको न्युयोर्कमा दाहसंस्कार पछि अस्तु काठमाडौँ ल्याइने परिवारले जानकारी दिएको छ ।