प्रमुख प्रतिपक्षी दल नेपाली कांग्रेसले बजेटको अनुसूचीमा गडबढी भएको भन्दै संसदमा अवरोध गरेको छ । अर्थमन्त्री डा युवराज खतिवडाले गत बुधबार पेश गरेको बजेटको अनुसूचीमा गडबडी भएको भन्दै कांग्रेसले बिरोध जनाएको हो ।
बैठक सुरु हुनासाथ कांग्रेसका तर्फबाट मिनेन्द्र रिजालले प्रदेश र स्थानीय तहमा जाने पनि संघीय सञ्चिती कोषमा जानु कारण माग गरेका थिए । त्यस्तै उनले कसरि सरकार सिमा भन्दा बढी अन्तरिक ऋण उठाउन लागिएको भन्दै प्रश्न गरेका थिए । अर्थमन्त्रीके यस बिषयमा जवाफ नदिएसम्म कांग्रेसले संसद चलन नदिने अडान लिएको थियो । रिजाल नेपाली कांग्रेसले गठन गरेको छायाँ सरकारका अर्थमन्त्री पनि हुन् ।
बैठकमा यसको जवाफ दिदै अर्थमन्त्री डा युवराज खतिवडाले अनुसूची १ मा त्रुटी भएको स्वीकार गरे । उनले मेसिनले गर्नु पर्ने हिसाबले हातले जोड्दा केहि अंक तल माथि भएको तर अहिले त्यसलाई सच्चाई सकिएको प्रष्ट पारे । साथै उनले यसबाट बजेटको आकार वा अन्य विनियोजित रकममा केहि तलमाथि नपर्ने बिश्वास दिलाए ।
साथी उनले आन्तारिक ऋण १७२ अर्बभन्दा बढी नउठाउने बताए । बैठकमा उनले भने 'केही पाविधिक त्रुटीका कारण प्रदेश र स्थानीय तहमा जाने पनि संघीय सञ्चिती कोषमा जोडिएको हो, त्यो अहिले मिलाइसकिएको छ ।' अर्थमन्त्री खतिवडाले आन्तारिक ऋण १७२ अर्बभन्दा बढी नउठाउने समेत बताए ।
मन्त्रीले जवाफ दिएपछि संसदमा बजेट छलफल सुरु भएको थियो ।
हेर्नुस भिडियो: