देशमा महाभूकम्प आउँछ भन्दै सर्वसाधारणमा आतंक फैलाउने स्वघोषित ‘ज्योतिष’ पक्राउ परेका छन् । महानगरीय प्रहरी परिसर काठमाडौंले नागरिकमा अफवाह फैलाएको अभियोगमा अर्जुन क्षेत्री भनिने अर्जुन थापालाई नियन्त्रणमा लिएको हो ।
उनले यूटुब भिडियोमार्फत जेठ महिनाभित्र विनाशकारी भूकम्प आउने भन्दै आतंक फैलाएको प्रहरीले जनाएको छ । उनलाई मंगलबार गौशालाबाट पक्राउ गरेको महानगरीय प्रहरी परिसर काठमाडौंका प्रवक्ता डीएसपी होविन्द्र बोगटीले जानकारी दिएका छन् ।
उनीमाथि कारबाही प्रक्रिया अघि बढाइएको प्रहरीको भनाई छ ।
