बिजपाटी सम्बाददाता     Jun 13, 2019 | 03:41:54 PM



सरकारले सबै खाले सार्वजनिक सवारी साधनको भाडा बढाएको छ । यातायाता व्यवस्था विभागका महानिर्देशक कुमार प्रसाद दहालले भाडा वृद्धि गरिएको जानकारी दिए ।

सबै खाले सवारी साधनमा लागू हुने गरी १२ प्रतिशत भाडा बढाइएको छ । 

विभागले सवारी साधनमा प्रयोग हुने मेकानिकल पार्टस्को मूल्य बढेको, सवारी साधनकै मूल्य बढिरहेको, मजदुरको ज्यालादर सरकारले तोकेअनुसार बढाउनु पर्ने, इन्धनमा भएको मूल्य वृद्धि लगायतका आधारका भाडादर कायम गरिएको बताएको छ । भाडादर समायोजनका विषयमा विभागले बुधबार महानगरपालिकासँग छलफल गरेको थियो ।

बिहिबार यायायात व्यवसायी, उपभोक्ता र सुरक्षा निकायलगायतसँग छलफल गरी विभागले भाडादर समायोजन गरेको हो । नयाँ भाडादर असार १ गतेबाट लागू हुने विभागले जनाएको छ ।

Share your thoughts!

बिजपाटी सम्बाददाता

नेपालको आर्थिक अनलाइन पत्रिका









Close in 7