बडा दशैं, तिहार र छठपर्वको हार्दिक मंगलमय शुभकामना




बिजपाटी सम्बाददाता     Jun 20, 2019 | 09:24:38 AM



पूर्वी नेपालमा मनसुनी वर्षा सुरु भएको छ । जल तथा मौसम विज्ञान विभागले ओखलढुंगा, धनकुटा, विराटनगर लगायतका क्षेत्रमा पनि वर्षा भएको जनाएको छ । गत २४ घण्टामा ताप्लेजुङमा सबैभन्दा बढी १४.६ मिलिमिटर पानी परेको छ । 

गत वर्षको तुलनामा १० दिन ढिलो गरी मनसुन सुरु भएको मौसमविद्हरुले जनाएका छन् । गत वर्ष ८ जुनमै मनसुन शुरु भएको थियो ।

विभागले मनसुन सुरु भएको औपचारिक घोषणा भने गरेको छैन । आज बेलुका वा भोली बिहानसम्म औपचारिक जानकारी दिने विभागको तयारी छ ।मनसुन देशभरी फैलिन भने हप्ता दिन लाग्न सक्ने मौसमविद् बरुण पौडेलले जानकारी दिए । उनका अनुसार यो वर्ष धेरै पानी पर्ने सम्भावना छैन् । 

विभागले बिहीबार पूर्व र मध्य नेपालका केही स्थान तथा पश्चिममा हल्का वर्षा हुने अनुमान गरेको छ । बिहीबार राति देशको पूर्वी तथा मध्य क्षेत्र र पश्चिमी पहाडी भूभागमा आंशिक बदली रहने र केही स्थानमा मेघगर्जनसहित हल्का वर्षाको सम्भावना रहेको महाशाखाको अनुमान छ ।

Share your thoughts!

बिजपाटी सम्बाददाता

नेपालको आर्थिक अनलाइन पत्रिका









Close in 7