गृहमन्त्रालका अधिकारीको गाडीमा लक लगाउने ट्राफिक प्रहरीलाई ट्राफिक महाशाखाले धन्यवाद दिएको छ । ट्राफिक नियम उल्लंघन गरी बुधबार सिंहदरबारको पूर्वी गेट छेउमा रोकिएको अवस्थामा ट्राफिक जवानले लक लगाइदिएका थिए ।
गाडीमा ह्वील लक गरेपछि गृहमन्त्रालयको ठाडो निर्देशनमा एक घण्टा पनि नवित्दै महाशाख वोलाइएका ट्राफिकलाई महाशाखाले धन्यवाद दिएर कार्यक्षेत्रमा पठाएको छ । मन्त्रालयको बा २ झ ४३८८ र बा २ झ ३४६ नम्बरको गाडीलाई ट्राफिकले कारबाही गरेका थिए ।
महाशाखाले ट्राफिक नियम पालना गराउन महत्वपूर्ण भूमिका खेलेको भन्दै कामको प्रशंसा गरेको छ ।
कारबाहीमा परेको गाडी गृहमन्त्रालय मातहतको स्थानीय प्रशासन तथा प्रदेश समन्वय शाखाको रहेको खुलेको छ । उक्त गाडी आवश्यकता पर्दा जुनसुकै शाखा र महाशाखाका प्रमुखहरुले प्रयोग गर्ने गरेका छन् । गृहले ट्राफिकले एक हजार रुपैयाँको चिट काटेको भन्दै उत्तः जरिवाना तिर्न तयार रहेको बताएको छ ।