नेपाल वायुसेवा निगमका वरिष्ठ पाइलट विजय लामाले नेपाल नागरिक उड्डयन प्राधिकरणविरुद्ध मुद्दा दायर गरेका छन् । प्राधिकरणले निगम व्यवस्थापनलाई दबाब दिएर आफूलाई प्रवक्ता पदबाट हटाउन लगाएको आरोप लगाउँदै लामाले सर्वोच्च अदालतमा मुद्दा दायर गरेका हुन् ।
विमानस्थल कार्यालयले निगमको विमान उडानमा रोक लगाएर ड्रागन एयरको विमानलाई अनुमति दिएको सम्बन्धमा पाइलट लामाले अन्तरवार्ता दिएपछि प्राधिकरणले उनलाई कारबाही गर्न निगममा सिफारिस गरेको थियो ।