कर्मचारी भर्नाको परीक्षाको उत्तरपुस्तिका परीक्षण नम्बर थप गरेको आरोप लागेका त्रिभुवन विश्वविद्यालयका पूर्व कर्मचारी रामबहादुर पाण्डेले आत्महत्या गरेका छन् । यसरी अनियमितताको आरोप लागेका उनी विरुद्ध विशेष अदालतमा मुद्दा चलाइएको थियो ।
पाण्डेले बिहीबार त्रिपुरेश्वरस्थित एक भवनबाट हाम फालेर आत्महत्या गरेको प्रहरीले जनाएको छ । प्रहरीका अनुसार त्रिपुरेश्वरस्थित भाटभटेनीको अघि रहेको राधा भवनको पाँचौ तल्लाबाट पाण्डेले हाम फालेका हुन् ।
पाँच वर्षअघि त्रिवि सेवाबाट अवकास पाएका उनी कार्यालय सहायक र मुख्य कार्यालय सहायकमा परीक्षा दिएका परीक्षार्थीको उत्तरपुस्तिका परीक्षण गर्न विज्ञको रुपमा भर्ना भएका थिए ।