गोरखा स्थित धार्चे गाउँपालिकाको खार्लावेशी बजार नजिकैको ओढारबाट १६ किलो सुन बरामद भएको छ । पहरोमा बोराभित्र राखेर लुकाइराखेको अवस्थामा प्रहरी चौकी माछिखोलाबाट खटिएको टोलीले बिहीबार बिहान सुन बरामद गरेको हो।
२७ दिन अघिदेखि हराइरहेका माछाखोलाका धनकमल गुरुङ बुधबार पक्राउ परेपछि उक्त सुनबारे खुलेको हो । गुरुङ भरिया मात्रै हुन् वा सुन तस्कर भन्ने खुलेको छैन । उक्त सुन तिब्बतबाट ल्याइएको हुन सक्ने अनुमान गरिउको छ ।