युनाईटेड ट्रेडर्स सिन्डिकेटले धोवीखोला करिडोरमा वृक्षारोपण गरेको छ । ट्रेडर्सले स्थानियबासिको सहभागितामा सो क्षेत्रमा एकै पटक ३ सय ६० वटा रुख रोपेको छ ।
आनन्दनगर धुम्बाराहि बैजनी पुलदेखि पहेँलो पुलसम्मको धोवीखोला करिडोरका दुवै तर्फ करबीरका विरुवाहरु रोपिएको हो । धेरै अग्लो नहुने करबीर जातका विरुवा सधै हरियो रङ्गको हुने र गुलाबी रङ्गको फुल फुल्ने जातको विरुवा हो ।
ट्रेडर्स टोयोटाको नेपालको आधिकारिक वितरक रहेको छ ।
वृक्षारोपण कार्यक्रममा प्रदेश सांसदहरु नारायन सिलवाल, सीता अधिकारी तथा बैद्ययज् अर्गनाइजेशनका प्रेसिडेन्ट सुरज वैद्यको समेत उपस्थिति रहेको ट्रेडर्सले जनाएको छ ।