सत्तारुढ नेकपाका अध्यक्ष एवम् पूर्वप्रधानमन्त्री पुष्पकमल दाहाल ‘प्रचण्ड’ले नेदरल्याण्डको हेगमा रहेको अन्तराष्ट्रिय अपराध अदालतमा पुर्याए आफू विश्वको हिरो बन्ने दाबी गरेका छन् । खुमलटारस्थित निवासमा नेत्रविक्रम चन्द ‘विप्लव’ समूह छोडेर नेकपामा प्रवेश गर्नेहरुलाई स्वागत गर्दै प्रचण्डले हेग लगे संसारभरका मानिसले एकसाथ चिन्ने र हिरो भएर निस्कने दाबी गरे ।
‘संघीय लोकतान्त्रिक गणतन्त्र ल्याउने व्यक्तिलाई बदनाम गर्ने र सिध्याउने खेल हुँदैछ’ प्रचण्डले भने,‘एक जनाले त मलाई १३ हजार मानिस मारेको भनेर हेगमा उभ्याउने र जेल हाल्ने कुरा गर्नुभयो । मेरा लागि त्यो गर्वको कुरा हुन्थ्यो । किनकी विश्वभरका मानिसले एकै साथ चिन्थे। यो त शान्तिको पक्षमा रैछ, न्यायको पक्षमा रैछ भन्थे। म विश्वभर हिरो हुन्थें ।’
तर कसैले पनि आफूलाई हेग लैजान्छन् भन्नेमा विश्वास नभएको प्रचण्डको भनाई छ । ‘मलाई लाग्दैन यिनीहरूले मलाई हेग लैजान्छन्,’ उनले भने ।