प्रतिनिधि सभाको बुधबारको बैठक कारबाही सुरु नभइृ स्थगित भएको छ । सभामुख कृष्ण बहादुर महराले बैठक सुरु भएको घोषणा गर्नासाथ प्रतिपक्षी दल नेपाली काङ्ग्रेस र राष्ट्रिय जनता पार्टीका सांसदले नाराबाजी सहित विरोध गरेपछि बैठक स्थगित भएको हो ।
विपक्षी सांसदले उठेर विरोध गरिरहेकै बेला सभामुखले शून्य समय प्रारम्भ भएको जानकारी गराउनासाथ दुवै दलका सांसदले रोष्टम घेराउ गरे ।त्यसपछि सभामुखले प्रतिनिधि सभाको अर्को बैठक साउन १६ गते बिहिबार दिउँसो २ बजेका सम्मका लागि स्थगित गरे ।