३३ किलोसहित ३८ क्विन्टल सुन तस्करी र सनम शाक्य हत्या प्रकरणका अभियुक्तलाई पुर्पक्षका लागि थुनामै राख्न सर्वोच्च अदालतले आदेश दिएको छ ।
सर्वोच्चले महावीर प्रसाद गोल्यानलाई भने धरौटीमा रिहा गर्न भनेको छ । गोल्यान र डीएसपी सञ्जय राउत सहित सुनकाण्डका अभियुक्तहरू भुजुङ गुरुङ, लाक्पा शेर्पा, अममान डंगोल, तुलाराम थारूले उच्च अदालत विराटनगरको फैसला चित्त नबुझेको भन्दै सर्वोच्च अदालतमा निवेदन दिएका थिए ।
जिल्ला अदालत मोरङले अभियुक्तहरूलाई थुनामै राखेर मुद्दा प्रक्रिया अघि बढाउन दिएको आदेशविरुद्ध उनीहरू उच्च अदालत पुगेका थिए । उच्च अदालत विराटनगरले जिल्ला अदालतकै आदेशलाई सदर गरेको थियो । त्यसमा पनि चित्त नबुझेको भन्दै मुद्दा मुद्दा सर्वोच्चमा आइपुग्यो ।
सर्वोच्चमा सुन काण्ड सम्बन्धि ३१ वटा छुट्टाछुट्टै रिटमा एकसाथ सुनुवाइ हुँदै आएको थियो । न्यायाधीशद्वय अनिलकुमार सिन्हा र सुष्मालता माथेमाको संयुक्त इजलासले उच्च अदालत विराटनगरकै आदेशलाई सदर गरिदिएको हो ।
