अर्थमन्त्री डा युवराज खतिवडाले करैले पनि कर तिर्नुपर्ने बताएका छन् । आन्तरिक राजश्व
विभागद्वारा आज आयोजित व्यवस्थापन गोष्ठीमा मन्त्री खतिवडाले आम्दानी गरेको छ भने
अनिच्छुकले पनि कर तिर्नैपर्ने बताएका हुन् ।
उनले भने “धेरै नागरिक आयकरको दायरामा आउने स्थिति
बनेको छ, स्वेच्छिकरूपमा आए
कर तिर्न आउनेलाई सधँै स्वागत छ । स्वेच्छिक मात्र होइन, आम्दानी गरेको छ भने
अनिच्छुकले पनि कर तिर्नैपर्छ । कर भनेको करै हो, करैले पनि कर तिर्नुपर्छ, त्यसैले स्थायी लेखा
नम्बर हुनुपर्छ भनिएको हो” ।
शुरुआती दिनमा प्रणाली स्थापित गर्न केही
कठिन हुनु स्वाभाविक हो भन्दै अर्थमन्त्री खतिवडाले सरकार निरन्तर आर्थिक
स्थायित्व कायम गरी मुलुकमा विकास र समृद्धिलाई अघि बढाउने सन्दर्भमा भएका साधन
स्रोतको अधिकतम परिचालन गरी परनिर्भरता कम गर्ने रणनीतिमा अघि बढन राजश्वको सुदृढ
आधारका लागि जुटिरहेको बताए ।
मन्त्री खतिवडाले स्वच्छ कर प्रशासनका
माध्यमबाट राजश्व सङ्कलन गरी सबै नागरिकलाई सामाजिक सुरक्षा उपलब्ध गराउँदै
विकासलाई तीव्रता दिन सरकार क्रियाशील रहेको बताए । उनले कर प्रणालीलाई वैज्ञानिक बनाउने र एकीकरण गर्ने सन्दर्भमा
सुधारको प्रयास भइरहेको जानकारी दिए । अर्थमन्त्री खतिवडाले अहिले भएका सुधारबाट
व्यवसायी तर्सिन आवश्यक नरहेको बताए । उनले व्यावसायिक कारोवार पारदर्शी र
प्रतिस्पर्धी हुनुपर्ने भन्दै निष्पक्ष र सदाचारी प्रशासन समयन्त्रका लागि सुधारको
प्रयास भइरहेको बताए ।
संस्थागत आय प्रणालीमा पारदर्शीता स्थापित हुदै गएको तथा अनुत्पादक र व्यक्तिगत क्षेत्रलाई अझै आयकरको दायरामा ल्याउने
प्रयास भइरहेको बताउँदै उनले भने , “मान्छेको अनुहार हेरेर छुट दिने
प्रवृत्तिलाई अन्त्य गरिने हुँदा अब कर प्रशासनसँग व्यवसायी डराउने र व्यपारीसँग
कर प्रशासन डराउने स्थिति अन्त्य गरिनुपर्छ, करको दर बढाउने ठाउँ छैन, दायरा बढाउँदै
जानुपर्छ ।ް ठूलाठूला उद्योग व्यवसाय सञ्चालन गर्नेले १३ प्रतिशत करको हिसाब
राख्न नसक्नुलाई हामीले कसरी लिने भनी प्रश्न गर्दै उनले पछिल्लो समय आर्थिक
क्षेत्रमा धरै परिर्वतन भइरहेको र राजश्वको पनि निरन्तर वृद्धिले
लगातार तेस्रो वर्षसम्म उच्च वृद्धिदर हासिल गर्न सफल भएको बताए ।
