अविरल वर्षापछि बाग्लुंङको बडिगाड खोलामा आएको बाढीको कारण तुरतुरे ताल फुटेको छ । ताल फुटेर पानीको सतह घट्न थालेको छ ।
बाग्लुङका प्रमुख जिल्ला अधिकारी लुकबहादुर क्षेत्रीले बाढी आउँदा गएराति ताल फुटेर बिस्तारै पानि बग्न थालेको बिजपाटीलाई बताए । उनले भने ' ताल एकै पटक फुटेको होइन, फुटेर बिस्तारै फुटेर पानि बग्दै छ, अहिले पानीको सतह ५० प्रतिशत घटीसकको छ ।' उनका अनुसार ताल एकै पटक फुटेको भए ठुलो धनजनको क्षति हुन् सक्थ्यो , तर बिस्तारै फुटेकोले ठुलो क्षति टरेको छ ।
तालको सतह घट्दै गएको र खोलामा पानि बढ्दै गएकोले तटिय क्षेत्रका स्थानीयलाई सचेत हुन आग्रह गरिएको उनले जानकारी दिए। ताल फुट्दा २ सय मिटर मध्यपहाडी लोकमार्गको सडक बगाएको र यातायात पूर्ण प्रभावित भएको प्रमुख जिल्ला अधिकारी क्षेत्रीले बताए ।
बडीगाड गाउँपालिका–९ र ढोरपाटन नगरपालिकाको सीमा क्षेत्रमा अघिल्लो वर्ष पहिरो जाँदा खोला थुनिएर झण्डै डेढ किलोमिटर क्षेत्रमा ताल बनेको थियो। सोहि ताल अहिले फुटेको हो।