राष्ट्रिय योजना आयोगका सदस्य केपी ओलीले मिडियाहरुलाई सम्बोधन गर्न नयाँ नाम जुराएका छन् । उनले सबै मिडियालाई एकमुष्ट सम्बोधन गर्न 'खबरपालिका' भन्ने शब्द जुराएका हुन् ।
नेपाल विद्युत प्राधिकरणको ३४ औ वार्षिकोत्सवको अवसर आयोजित समारोहमा उनले मिडियालाई एकमुष्ट रुपमा 'खबरपालिका' भने सम्बोधन गरेका हुन् ।
आफ्नो सम्बोधनको क्रममा उनले जलवायु परिवर्तन नेपालको लागि चुनौतीपूर्ण हुने र त्यसले जलविद्युत क्षेत्रलाई समेत असर गर्ने तर्फ उनले सचेत गराए । जलवायु परिवर्तनको कारण अहिले हिउँले भरिएका हिमाल नाङ्गो हुन सक्ने भन्दै उनले ड्याम परियोजनालाई प्राथमिकता दिन प्राधिकरणलाई सुझाव दिए । मिश्रित उर्जा उत्पादन गर्नु उपयुक्त भएकोले सोलार तर्फको उत्पादन बढाउनु पर्ने बताए ।
दिगो विकास लक्ष्यले निर्धारण गरेका लक्ष्य हासिल गर्नको लागि उर्जा क्षेत्रको अहम भूमिका रहेको तर्फ उनले जोड दिए ।
