प्रधानमन्त्री केपी शर्मा ओलीले गैंडालाई अंग्रेजीमा ‘राइनो’ भन्ने गरिएकोप्रति फेरि असन्तुष्टि जनाएका छन् । एसिया प्रशान्त क्षेत्रका हवाई नियामक निकायका महानिर्देशकहरुको ५६ औँ सम्मेलनलाई सम्बोधन गर्दै प्रधानमन्त्री ओलीले गैंडालाई गैंडा नै भन्नु पर्ने जिकिर गरे ।
प्रधानमन्त्रीले भने, ‘गैंडाज आर गैंडाज, नट राइनोज ।’ उनले सगरमाथालाई समेत ‘माउन्ट एभरेष्ट’ नभनी सगरमाथा नै भनिदिन आग्रह गरे । सम्मेलन उद्घाटनमा प्रधानमन्त्रीले नेपालमा दुई नयाँ विमानस्थल बन्दै गरेको र काठमाडौंस्थित त्रिभुवन अन्तराष्ट्रिय विमानस्थललाई बुटिक एयरपोर्टमा रुपान्तरण गर्न लागिएको जानकारी दिए ।
