काठमाडौंको नयाँ बसपार्कमा महिला र पुरुष मृत अवस्थामा भेटिएका छन् । बसपार्कको मोरङ पर्वत गेस्ट हाउसको कोठा नं. १११ मा चितवनका ३७ वर्षीय यमबहादुर मगर र मकवानपुरकी ३० वर्षीया सबिता भनिने सबिना बजगाईं मृत भेटिएका हुन् ।
महानगरीय प्रहरी वृत्त, महाराजगञ्जका डीएसपी फणिन्द्र प्रसाईंका अनुसार घटनाबारे अनुसन्धान सुरु भईसकेको छ । ‘युवतीको शव खाटको तल र युवकको खाटमाथि भेटिएको थियो ।’
उनीहरु राति ११ बजे होटलमा बसेका थिए । विहान खान खान बोलाउँदा ढोका नखोलेपछि प्रहरी बोलाएर होटलको ढोका खोल्दा नग्न अवस्थामा मृत भेटिएका थिए । कोठामा मदिराका बोतलहरु भेटिएका छन् । प्रहरकिा अनुसार उनीहरु दुवै विवाहित हुन् । महिलाका श्रीमान् वैदेशिक रोजगारीका लागि खाडी मुलुकमा छन् ।