प्रधानमन्त्री एवम् सत्तारुढ नेकपाका अध्यक्ष केपी शर्मा ओली उपस्थित नहुँदा अर्का अध्यक्ष पुष्पकमल दाहाल प्रचण्डलाई पार्टीको बैठक बोलाउने अधिकार दिईएको छ । ओलीको अनुपस्थितिमा पनि सचिवालय बैठकको अध्यक्षता प्रचण्डले गर्ने सहमति भएको हो ।
प्रधानमन्त्री ओली उपचारका लागि बिहीबार सिंगापुर जाँदैछन् । यो बीचमा पार्टीको बैठक प्रचण्डले बोलाउने र सांगठनिक एकीकरण लगायतका विषयमा निर्णय गर्ने सहमति भएको हो । ओलीको सिंगापुर बसाईँ कम्तीमा ९ दिनको हुने उनको सचवालयले जनाएको छ । प्रचण्ड पनि नेकपाको अध्यक्ष भएपनि उनलाई बैठक बोलाउने अधिकार यसअघि थिएन ।