प्रधानमन्त्री केपी शर्मा ओली सिंगापुर प्रस्थान गरेका छन् । स्वास्थ्य उपचारका लागि थाई एयरवेजको जहाजबाट सिंगापुर प्रस्थान गरेका उनी भदौ २० गते स्वदेश फर्किने तालिका छ ।
लामो समयदेखि मृगौलाका बिरामी रहेको प्रधानमन्त्रीको १२ वर्षअघि मृगौला प्रत्यारोपण गरिएको थियो । ओलीको निजी चिकित्सक समूहले स्वास्थ्य जाँच गर्न सिंगापुर जान आग्रह गरेपछि ओली त्यसतर्फ प्रस्थान गरेका हुन् ।