अब प्रधानमन्त्री विदेशमा भए पनि मन्त्रिपरिषद बैठक बस्न सक्ने भएको छ । मन्त्रिपरिषदको बैठकले नेपाल सरकार (कार्यसम्पादन) नियमावली २०६४ संशोधन गरी भिडियो कन्फरेन्समार्फत पनि मन्त्रिपरिषद् बैठक बस्न सक्ने ब्यबस्था गरेको हो ।
प्रधानमन्त्री केपी शर्मा ओली आज नै स्वास्थ्य उपचारको लागि सिंगापुर प्रस्थान गरेका छन् । नियमावली संशोधन गरेसंगै प्रधानमन्त्री विदेशमा भए पनि भिडियो कन्फरेन्समार्फत बैठक बस्न सक्ने भएको हो ।
मन्त्रिपरिषद्ले गरेका निर्णय सुनाउन आज आयोजित पत्रकार सम्मेलनमा सरकारका प्रवक्ता एवं सञ्चार तथा सूचना प्रविधिमन्त्री गोकुल बाँस्कोटाले यसबारे जानकारी गराएका हुन्।
यो पनि :
