हिरासतमा रहेका टेलिभिजन प्रस्तोता रबी लामिछानेले आफूले असुरक्षित महशुस गरेको भन्दै सामाजिक सञ्जालमा स्टाटस आएपछि प्रहरीले बोल्दा ध्यान पुर्याउन सचेत गराएको छ । चितवन प्रहरी प्रमुख प्रहरी उपरीक्षक दानबहादुर मल्लले रबीसहित हिरासतमा रहेका तीनैजना सुरक्षित रहेको र उनीहरुमाथि कुनै किसिमको सुरक्षा चुनौती नभएको प्रष्ट पारेका छन् ।
रबीकी पत्नी निकिता पौडेलको फेसबुक एकाउन्टमा रबी लामिछानेको नामबाट सार्वजनिक भएको स्टाटसमा उनले आफू प्रहरीबाटै असुरक्षित रहेको दाबी गरेका थिए । उनले दोस्रो पटक म्याद थप गरेपछि आफु प्रहरीबाटै असुरक्षित रहेको बताएका थिए ।
सामाजिक सञ्जालमा कसले के लेख्यो, के भन्यो ? त्यो जानकारी छैन, तर हिरासतका सबै सुरक्षित छन्’ प्रहरी प्रमुख मल्ले भने ‘प्रहरीको सुरक्षा घेरामा रहेको व्यक्ति कसरी असुरक्षीत हुन्छ ? अनुसन्धान भइरहेको छ, सुरक्षाबारे बोल्दा ख्याल गर्नु ।’