नेपाल होस्टल एसोसिएसनको नयाँ नेतृत्वमा भक्ति पाठक निर्वाचित भएका छन् । राधधानीमा सम्पन्न सातौं बार्षिक साधारणसभामा भएको निर्वाचनमा पाठक समुहको पुरै टिम विजयी भएको हो ।
पाठक समुहको प्रतिद्वन्दीका रुपमा निवर्तमान कार्यसमितिमा महासचिव रहेका गोबिन्द गिरि चुनावी मैदानमा थिए । उनी जम्मा ३ मतको मात्रै पराजित भए । कुल ६९२ मतदातामध्ये ५४१ जनाले मतदान गरेका थिए । जसमा पाठकले २६३ र गिरीले २६० मत प्राप्त गरेका थिए ।
एसोसियसनको वरिष्ठ उपाध्यक्षमा अरुण पराजुली, महिला उपाध्यक्षमा उर्मिला भट्टराई (बराल), महासचिवमारुपाली गुरागाईं (पौडेल) निर्वाचित भएका छन् ।
सचिवमा डण्डी प्रसाद गौतम र कोषाध्यक्षमा पूजा जोशी निर्वाचित भएका छन् ।
२०६९ सालमा स्थापना भएको एसोसिएसनको यो पाँचौं नेतृत्व हो । १३ सदस्यीय कार्य समितिको कार्यकाल दुई वर्षको हुनेछ ।