भौतिक पूर्वाधार तथा यातायात मन्त्री रघुवीर महासेठको गाडीमा ट्राफिक प्रहरीले ह्वील लक गरिदिएको छ ।
बानेश्वर आसपासमा जथाभावी पार्किङ गरेर राखिएका सवारी साधानमा ट्राफिक प्रहरीले ह्वील लक लगाउने क्रममा मन्त्री महासेठको गाडी पनि परेको हो । उनको गाडी पार्किङ निषेधित क्षेत्रमा रोकिएको अवस्थामा थियो । बा २ झ ४८६२ नम्बरको झण्डावाला गाडीमा ट्राफिकले ह्वील लक गरिदिएको हो ।
उक्त गाडीका चालकलाई एक हजार रुपैयाँ जरिवाना गरेर छाडिएको महानगरीय ट्राफिक प्रहरी महाशाखाले जनाएको छ ।