केसिएल अस्ट्युट क्यापिटलका ग्राहक र शेयरधनी र कर्मचारीलाई किताब किन्दा ५ प्रतिशत छुट हुने भएको छ । किताब यात्रा प्रा.लि. र केसिएल अस्ट्युट क्यापिटलबीच सम्झौता भएसँगै केसिएलबाट किताब यात्राका ग्राहक, शेयरधनी र कर्मचारीले लगानी व्यवस्थापन सेवाको वार्षिक व्यवस्थापन शुल्कमा ३३ प्रतिशत छुट प्राप्त गर्ने र किताब यात्राबाट केसिएलका ग्राहक, शेयरधनी र कर्मचारीले विभिन्न विधाका किताब खरिदमा ५ प्रतिशत छुट पाउने भएका हुन् ।
सम्झौतामा किताब यात्राका प्रमुख कार्यकारी अधिकृत ऋषिराम अधिकारी, वित्त तथा कानून सल्लाहकार सन्तोश ज्ञवाली र केसिएल अस्ट्युट क्यापिटलका प्रमुख कार्यकारी अधिकृत निर्मल भट्टराई र प्रमुख संचालन अधिकृत अशोक सुवेदीले हस्ताक्षर गरेका छन् ।
