प्रतिनिधिसभामा मलेसियामा नेपाली कामदारमाथि ठगी गर्नेलाई सरकारले छुट दिएकोप्रति सांसदले आपत्ति जनाएका छन् । बिहीबारको संसद बैठकमा नेकपाकै सांसद नवराज सिलवालले मलेसिया जाने कामदारलाई ठगी गर्ने उच्च अधिकारी र उनीहरुलाई सुरक्षा दिने राजनीतिक शक्तिलाई अनुसन्धानको दायरामा ल्याउन माग गरे ।
उनले ‘मलेसिया सरकारले कारबाही गरेको भीएलएनलाई नेपालमा किन छुट दिइयो ?’ भन्दै प्रश्न गरे । ‘मलेसियामा त्यत्रो ठूलो राजनीतिक नेतृत्वमाथि भष्ट्राचार गरेकै कारण कारबाही गरिसक्दा पनि नेपालमा एउटा चरोमुसोलाई पनि सोधपुछ गरिएन’ उनले भने ।