सिंगापुरमा उपचाररत प्रधानमन्त्री केपी शर्मा ओलीलाई भेट्न सत्तारुढ नेकपाका सचिवालय सदस्य वामदेव गौतम आज सिंगापुर जाने भएका छन् । नेकपा केन्द्रीय सदस्य विष्णु रिजालका अनुसार उपचाररत प्रधानमन्त्रीलाई भेट्न गौतम जान लागेका हुन् ।
गौतम आज दिउँसो १ बजे सिंगापुर प्रस्थान गर्दैछन् । नेकपा महासचिव विष्णु पौडेल मंगलबार सिंगापुर गइसकेका छन् । प्रधानमन्त्री ओलीले बोलाएपछि उनी सिंगापुर जान लागेको बताइएको छ ।
