निजामती सेवामा कार्यरत कर्मचारीले अब उपसचिव र सहसचिवमा खुला परीक्षा दिन नपाउने भएका छन् । प्रतिनिधिसभाको राज्य व्यवस्था समितिले संघीय निजामती सेवासम्बन्धी विधेयकमा निजामती कर्मचारीलाई राजपत्राकिंत द्धितीय र प्रथम श्रेणीको परीक्षामा खुला प्रतिस्पर्धा गर्ने बाटो बन्द गरेको हो ।
निजामती कर्मचारीले उपसचिव र सहसचिवको परीक्षा दिन कार्यरत सेवाबाट राजीनामा दिएर खुला प्रतिस्पर्धा गर्नुपर्नेछ । यदि यसरी राजीनामा दिएर खुला प्रतिस्पर्धामार्फत परीक्षा उतीर्ण गरेमा राजीनामा दिएको मितिभन्दा अगाडी गरेको सेवा अवधि गणना हुने छैन ।
हाल निजामती कर्मचारीले सेवामा बहाल रहेरै उपसचिव र सहसचिवको खुला प्रतिस्पर्धामा सहभागी हुन पाउने प्रावधान छ ।