राष्ट्रिय युवा परिषदको आधिकारिक फेसबुक पेज ह्याक भएको छ। परिषदको फेसबुक पेज https://www.facebook.com/nyc.gov.np/ ह्याक भएको परिषदका कार्यकारी उपाध्यक्ष माधव ढुंगेलले बताएका हुन् ।
पेज ह्याक गरी ह्याकरहरुले उक्त पेजमा कार्टुन र अश्लिल चलचित्रको क्लिप् पोस्ट गरेका छन् । पेज ह्याक भएपछि कार्यकारी निर्देशक ढुंगेलले त्यस पेजमा पोस्ट भएका स्ट्याटस, पोस्ट, फोटो, भिडियो र अन्य सामग्री आधिकारीक नभएको जानकारी गराएका छन् ।
साथै उनले यसबारे प्रहरीमा उजुरी गरेको तर समस्या समाधान नभएकोले आइटी विज्ञको सहयोग समेत मागेका छन् ।