नेपालमा हुने १३औं दक्षिण एसियाली खेलकुद (साग) को को लोगो र मस्कट अंकित व्यानर बोकेर हिमाल आरोही प्रकाशराज पाण्डे ‘किलर माउन्टेन’ को रुपमा चिनिने मनास्लु हिमालको आरोहणमा निस्किएका छन् । पाण्डेले उक्त व्यानर ८ हजार १६३ मिटर अग्लो मनास्लुको चुचुरोमा पुर्याउने छन् ।
राष्ट्रिय खेलकुद परिषद् (राखेप) का सदस्य सचिव रमेशकुमार सिलवालले पाण्डेलाई गत बिहिबार व्यानर हस्तान्तरण गरेका थिए ।
विजपाटीसँग कुरा गर्दै पाण्डेले भोली आधार शिविर पुग्ने बताएका छन् ।
रामेछापका २८ वर्षीय प्रकाशले विश्वको सर्वोच्च शिखर सगरमाथासहित अमादब्लम र आईल्यान्ड पिकको पनि सफल आरोहण गरिसकेका छन् ।