मुस्ताङबाट तीर्थयात्री बोकेर पोखरा उडेको हेलिकोप्टर म्याग्दीको रघुगंगामा आपतकालिन अवतरण गरिएको छ । हेलिकप्टर रघुगंगा गाउँपालिका–२ राखुस्थित धानखेतमा आकस्मिक अवतरण गरिएको छ ।
खराब मौसमका कारण एयर डाइनेस्टिकको उक्त हेलिकोप्टर धानखेतमा अवतरण गरिएको हो । पाइलट अर्जुन मल्ल र मुक्तिनाथ तीर्थयात्रामा गएका पाँचजना भारतीय नागरिक हेलिकोप्टरमा सवार थिए । सवार सबै यात्रु सकुशल छन् ।
