बैदेशिक रोजगार व्यवसायी संघको निर्वाचनमा पहिलो पटक नेपाली कांग्रेसले क्लीनस्वीप गरेको छ । मंगलबार भएको निर्वाचनमा कांग्रेस निकट १७ जना उम्मेद्वारहरु विजयी भएका छन् ।
बुधबार बिहान घोषणा भएको मतपरिणम अनुसार बिष्णु प्रसाद गैरेले ३३० मत प्राप्त गर्दै अध्यक्षमा विजयी भएका छन् । उनले आफ्ना प्रतिद्वन्दी नेकपा निकट प्रगतिशिल समूहका सरोज कुमार पोखरेललाई ४८ मतले पछि पारे ।
संघको प्रथम उपाध्यक्षमा कमल तामाङ, द्वितीय उपाध्यक्षमा कमल देव मल्ल र तृतीय उपाध्यक्षमा किशोर कुमार केसी विजयी भएका छन् । महासचिवमा सुजित श्रेष्ठ विजयी भएका छन् । संघको सचिवमा घनाथ भुर्तेल, कोषाध्यक्षमा इन्दिरा गुरुङ विजयी भएका छन् ।
६५८ मतदाता कम्पनीहरु रहेको संघको निर्वाचनमा ६२१ मत खसेको थियो ।