कृषि बिकास बैंकको रकम चोरी प्रकरणमा थप तीन जना पक्राउ परेका छन् । महानगरीय अपराध महाशाखाले कंचनपुरबाट यज्ञराज भट्ट, पर्वतबाट मालतीदेवी न्यौपाने र काठमाडौं बसपार्कबाट पर्वतका गणेशप्रसाद बस्याल पक्राउ परेका हुन् ।
यस प्रकरणमा प्रहरीले बिहिबार स्याङ्जाबाट रामकृष्ण भुसाललाई पक्राउ गरेको थियो । उनको बयानको आधारमा थप ३ जना पक्राउ परेका हुन् । यस संगै यस प्रकरणमा पक्राउ पर्नेको संख्या १६ पुगेको छ ।
कंचनपुरबाट पक्राउ परेका भट्टको कृषि बिकास बैंक कंचनपुर शाखामा रहेको खातामा ४५ लाख र पर्वतबाट पक्राउ परेका न्यौपानेको कृषि बिकास बैंककै पर्वत शाखामा २८ लाख रुपैयाँ ट्रान्सर्फमर भएको देखिएको छ ।