जनकपुर हिडेका गृहमन्त्री राम बहादुर थापा मन्थली पुगेर फीर्ता भएका छन् । उनी सवार नेपाली सेनाको हेलिकप्टर मौस खराबीको कारण उड्न नसकेपछि आकस्मिक अवतरणका लागि रामेछापस्थित मन्थली विमानस्थल पुगेको थियो ।
सुरक्षा गोष्ठिमा भाग लिन काठमाडौंबाट जनकपुर जाने क्रममा मौसम बिग्रिएपछि मन्त्री थापा सवार हेलिकप्टर शनिबार बिहान मन्थली विमानस्थलमा आकास्मिक अवतरण गराइएको थियो । नेपाली सेनाको एमआई–१७ माफृत उडेका मन्त्री थापा केही घण्टा मन्थली बसेर काठमाडौँ फर्किएका हुन् । मौसममा सुधार नभएपछि मन्त्री थापासहित गृह सचिव प्रेम कुमार राई काठमाडौँ फर्किएका हुन् ।
केहीबेर मन्थली रहँदा मन्त्री थापाले पार्टीका जिल्ला नेता तथा कार्यकर्तासँग भेटघाट गरेका छन् ।
