प्रतिनिधिसभाका सभामुख कृष्णबहादुर महराबाट पीडित भएकी भनिएकी रोशनी शाहीले बोलि फेरेकी छिन । महराले आफु माथि बलात्कार गरेको आरोप लगाएकी उनले एकदिनपछि आफूमाथि कुनै पनि दुर्व्यवहार नगरेको बताएकी हुन्।
एक भिडियो अन्तर्वार्तामा उनले उनले आइतबार साँझ आफ्नो कोठामा कोही पनि नआएको र सभामुख महरासँग लामो समयदेखि भेटघाटसमेत नभएको दाबी गरेकी छिन। उनले रिसको झोकमा यस्तो आरोप लगाएको बताउदै ति सब निराधार भएको बताएकी छिन् । उनले त्यसमा कोही पनि भ्रममा नपर्न समेत आग्रह गरेकी छिन् ।
आफूले डिप्रेसनको औषधी सेवन गरिररहेको र कर्मचारी समायोजनको क्रममा चाहेको ठाउँमा नपर्दाको रिसले आफूले गलत आरोप लगाएको बताएकी छिन् । महरा आफ्नो बुवा सरहको मानिस भएको बताउँदै उनले रिसको झोंकमा आफूले भनेका सबै कुरा गलत भएको बताएकी हुन् ।
यसै विषयमा उनले मंगलबार मध्य रातमा २ दर्जन बढी स्ट्याटस लेखेकी छिन् । रातको १२ बजेर ५५ मिनेट स्ट्याटस लेख्न सुरु गरेकी उनको स्ट्याटसको सिलसिला बिहान ३ बजेर २९ मिनेटमा अन्त्य भएको छ । अधिकांश स्ट्याटसमा उनले विभिन्न अनलाइन र युट्युबमा आएका सामग्री समेत शेयर गरेकी छिन् । उनले कुल २२ स्ट्याटस लेख्दा महरा निर्दोष रहेको र नेकपाका संसदीय दलका उपनेता सुभाषचन्द्र नेम्वाङलाई कारवाही गर्न माग गरेकी छिन् ।
महराले राजिनामामा दिनलाई नेम्वाङले भूमिका खेलेको बताईएको थियो । तर अब रोशनीले नेम्वाङ दुधले नुहाएको नभएकोले उनलाई बहु विवाहमा कारवाही गर्नु पर्ने बताएकी हुन् ।
हेर्नुस स्ट्याटसहरु
१. सभामुख माथि लगाईएको अारोप झुठा कपोलकल्पित उनलाई सत्ताबाट पदच्युत गर्न गरिएको डिजाईन हो जसको लागि मलाई प्रयोग गरियो डर त्रास र धम्कि बाट कि तैले महरालाई बलात्कारको अारोप लगाईनस भने म लगायत मेरो स्रिमान समेत लाई ज्यान मार्ने धम्किको कारन मैले नचाहदा नचाहदै पनि झुठ बोलेको एउटा काङ्ग्रेसको मिडिया म बसेको ठाउँ पत्ता लगाउदै अायो तेहि भिडियोको कुरालाई लिएर सभामुख निर्दोष हुदाहुदै पनि दोसि ठहर्याईयो महरा सरले रक्सि ल्याएका पनि छैनन् न त उनी कुनै महिलाको कोठामा नै गएका छन् सत्य सत्य नै हो र सत्य यहि नै हो
५. डा. बाबुराम भट्टराईले महरालाई कारबाही गर्न माग गरेको समाचार शेयर गर्दै उनले लेखेकी छिन् ' के को कार्बाहि किन कार्बाहि ? स्वम म नै हु तर म सभामुख बाट पिडित बनेको हैन महरालाई बदनाम गर्न रचिएको प्रपन्च मा मलाई फसाईयो'
६. नेकपाका उप नेता शुभाष चन्द्र नेम्वाङबारेको समाचार शेयर गर्दै उनले लेखेकी छिन् ' किन नचिन्ने उप नेता ज्यु महराले केही गरेका छैनन् स्वयम् म भिक्टिम ले बोल्दैछु बरु तपाईको बहुबिबाहको नालिबेलि को कथा सम्सदलाई जानकारि गराउनुस् तपाईं पनि दुधले नुहाएको गाई हैन'
७. Ashok Khadka असोक जि मलाई भाईरल हुने कहिले चासो भएन महरा सरले न्याय पाउनुहुन्छ वहालाई बदनाम गराउने उप देखि उप सम्म हुन्
८. के को कार्बाहि किन कार्बाहि ? स्वम म नै हु तर म सभामुख बाट पिडित बनेको हैन महरालाई बदनाम गर्न रचिएको प्रपन्च मा मलाई फसाईयो
९. बलात्कार चाहिँ होइन जानकारि दिलाउन चाहन्छु
१०. बहु बिबाह गर्ने उप नेतालाई पनि कार्बाहि गर्नुपर्छ न्याय दुबै लाई समान हुनुपर्छ
११. महरा सरले हैन बरु बहु बिबाह गरेका लाई कार्बाहि गर्नुपर्छ महरा सर मेरा गुरु बाउ हुन् यहि नै सत्य हो (नेकपाका उप नेता शुभाष चन्द्र नेम्वाङलाई लक्षित गर्दै )
१७. हामिलाई टेन्न छैन बाहिरकालाई किन टेन्सन लिनुपर्यो अर्काको बिसयमा धेरै चासो राख्नुभन्दा अाफ्नो काम गर्नेतिर लाग्नुहोला
१८. अनाबसयक मिडियाबाजि गरेर काम छैन मेरो कुरा हो मैले के गर्ने नगर्ने त्यो मेरो अधिकार हो यसमा सत्यता छैन मलाई जबरजस्ति फसाईएको छ महरासरको राजनिति धराप मा पार्न तिनको भन्डाफोर अभियान चलाउनेछु
२०. पागल भने पागल नै सहि तर महरा सरको राजनिति धरापमा छैन र हुदैन पनि
२१. हामी बिच को कुरामा अरुलाई यति धेरै चासो किन ? काम छैन बुहारि पाडाको के जाति भने जस्तो हैन मान्छे जात अर्काको खाल्डो खन्न सिपालु हुन्छन् पछि अाफै तेहि खाल्डामा पर्छन् जे जे कमेन्ट गर्न मन लाग्छ गर हामिलाई तिमिहरुका झारपाते कमेन्ट हेर्ने फुर्सद पनि छैन
२२. मैले किटानि जाहेरि नदिए सम्म महरालाई कसैले छुन पाउदैन हामी सल्लाह गर्दैछौ अरुले टाउको दुखाउनु पर्दैन तैपनि महरा सर निर्दोष छन्
