नेपाल भ्रमणमा रहेका चिनियाँ राष्ट्रपति सी चिनफिङले आज सत्तारुढ नेकपाका नेताहरुसँग भेट गर्नेछन् । शनिबार नेपाली समकक्षी विद्यादेवी भण्डारी र प्रमुख प्रतिपक्षी दलका नेता शेरबहादुर देउवासँग भेट गरिसकेका राष्ट्रपति सीले आज नेकपाका सचिवालय सदस्यहरूसँग सामूहिक भेटवार्ता गर्ने छन् । भेटमा नेपाली नेताको नेतृत्व नेकपाका अध्यक्ष पुष्पकमल दाहाल प्रचण्डले गर्नेछन् । भेटवार्ता बिहान १०ः३० बजेका लागि तय भएको छ ।
नेकपाका सचिवालय सदस्यहरूसँगको संयुक्त भेटलगत्तै प्रचण्डले वान–अन–वान भेटवार्ता पनि गर्ने बताइएको छ । त्यसपछि सीले प्रधानमन्त्री केपी शर्मा ओलीसँग शिष्टाचार भेटवार्ता गर्नेछन् ।
द्विपक्षीय वार्तापछि सी होटल फर्कने र दिउँसो १ बजे विमानस्थलबाट स्वदेश फर्कने छन् ।