पूर्वअर्थमन्त्री मधुकर शमसेर राणाको निधन भएको छ । राणाको काठमाडौंको मेडिसिटी अस्पतालमा उपचारको क्रममा बुधबार निधन भएको हो। ७८ वर्षका उनी मुटु र मिर्गौलासम्बन्धी रोगबाट पीडित थिए।
पूर्व राजा ज्ञानेन्द्र शाहले प्रत्यक्ष शासन सत्ता हातमा लिएपछि गठित मन्त्रिपरिषद्मा उनी अर्थमन्त्री थिए। उनले परराष्ट्र मन्त्रालयको सल्लाहकार र आर्थिक कुटनीति सम्बन्धी उच्च स्तरीय कार्यदलमा समेत रहेर काम गरिसकेका थिए ।
उनी पछिल्लो समय साउथ एशियन इन्स्टिच्युट अफ म्यानेजमेन्टमा प्रोफेसर थिए ।