‘बाघे’ भनिने गुन्डा नाइके सन्देश लामा स्वयम्भूस्थित चमतेबाट पक्राउ परेका छन् । महानगरीय प्रहरी अपराध महाशाखाको टोलीले बालुवा बिक्रीमा ठगी गरेको अभियोगमा बाघेलाई शुक्रबार पक्राउ गरेको हो ।
स्वयम्भू, महाराजगन्ज र बालाजु क्षेत्रबाट प्रहरीले बाघेसहित १८ वटा बालुवा डिपोका सञ्चालकलाई पक्राउ गरेको छ । जेबिएस डिपोका सञ्चालक लामा यसअघि पनि विभिन अपराधमा संलग्न रहेको प्रहरीले जनाएको छ ।