आइतबार भारत र पाकिस्तानको सिमा क्षेत्र जम्मू–कश्मीरको कुपवारा जिल्लामा भएको गोलाबारीमा दुई जना गोर्खा सैनिकको मृत्यु भएको छ । गोलाबारीमा परी एक जना नेपाली र अर्का एक जना नेपाली मूलका भारतीय सैनिकको मृत्यु भएको हो ।
गोलीबारीमा गोर्खा रेजिमेन्टका जवान पदमबहादुर श्रेष्ठ र राइफल म्यान गमिल कुमार श्रेष्ठको ज्यान गएको हो । पदमबहादुर आसामको गोलाघाटका हुन् । जवान गमिलकुमार श्रेष्ठ भने नेपालको पाल्पाका रहेको खुलेको छ ।
गत अगष्ट ५ मा भारत सरकारले जम्मू–कश्मीरलाई विशेष अधिकार दिएको संविधानको धारा ३७० खारेज गरेपछि भारत र पाकिस्तानबीच तनाव चुलिएको छ ।