प्रधानमन्त्री केपी शर्मा ओलीले सिस्नोपानी नेपालको देउसी–भैलो कार्यक्रम हेरिसकेपछि व्याङ्गात्मक प्रतिक्रिया दिएका छन् । हास्य कलाकारहरुको व्यंग्यात्मक देउसी सुनिसकेपछि प्रधानमन्त्रीले केही असन्तुष्टिसहित मञ्चबाटै जवाफ फर्काएका थिए ।
दुई तिहाईको वर्तमान सरकारले काम गर्न नसकेको भन्दै कलाकारले देउसी भट्याएको विषयमा प्रधानमन्त्री ओलीले सिस्नोपानीलाई पनि बजारको हल्लाले छोएको टिप्पणी गरे । कलाकारहरुले देउसीमार्फत प्रधानमन्त्री शिलान्यास मात्रै गर्दै हिँडेको भन्दै व्यंग्य गरेको प्रति जवाफ दिँदै प्रधानमन्त्री ओलीले भने, ‘केही पनि काम भएन भन्नुहुन्छ, अनि शिलान्यास गर्दै फुर्सद छैन, धमाधम छ भन्नुहुन्छ, कति काम भइरहेको रहेछ ?’