संसदको विकास तथा प्रविधि समितिले फेसबुक र ट्वीटरबाट हुने बिज्ञापनलाई कको दायरमा ल्याउन सरकारलाई निर्देशन दिएको छ । समितिको सोमबार बसेको बैठकले फेसबुक, ट्वीटर लगायतका सामाजिक सञ्जालमा विज्ञापन वापत ठूलो रकम बाहिरिएको भन्दै यसलाई करको दायरमा ल्याएर नियमन गर्न सञ्चार र अर्थमन्त्रालयलाई निर्देशन दिएको हो ।
पछिल्लो समय सामाजिक सञ्जालबाट हुने विज्ञापन बढेको र विज्ञापन गरेपछि करोडौ डलर विदेशिएको समितिको ठहर छ ।
दुरसञ्चार विकास कोषको उपलब्धी, ‘फोर जी’ बारेको उपलब्धी, विधुती कारोबार ऐनको कार्यन्वयन, बक्स अफिसको अवस्था बारे जानकारी गराउन पनि समितिले संचार मन्त्रालयलाई निर्देशन दिएको छ ।
आजको बैठकमा सञ्चारमन्त्री गोकुल बास्कोटाले मन्त्रालयको भावी योजना र हाल भईरहेका कार्यको प्रगति विवरण प्रस्तुत गरेका थिए।
