नेपाल टेलिकमको प्रिपेड सिम कार्डमा पनि रोमिङ सेवा लागू भएको छ । टेलिकमले १५ औं वार्षिकोत्सबको अवसरमा पोष्टपेडमा मात्र दिंदै आएको रोमिङ सेवा प्रिपेडमा पनि शुरु गरेको हो ।
टेलिकमले प्रिपेडमा पनि परीक्षणका रुपमा रोमिङ सेवा शुरु गरेको हो । पोष्टपेडमा यो सेवा लिनका लागि १० हजार रुपैयाँ धरौटी बुझाउनुपर्ने भएपनि प्रिपेडमा भने भएकै ब्यालेन्सबाट लिन सकिनेछ । नेपाल बाहिर जाँदा पनि यहीको सिमकार्डबाट कुरा गर्न मिल्ने सेवा रोमिङ हो । तत्काल यो सेवा चीन र भारतमा मात्र हुने छ ।
