एजेन्सी । आउँदो वर्ष रुसमा हुने विश्वकप फुटबलका लागि दक्षिण कोरिया र साउदी अरेबिया छनौट भएका छन् । एसिया क्षेत्रको छनौट अन्तर्गत मंगलबार राति भएका खेलमा जित निकाल्दै दक्षिण कोरिया र साउदी अरेबियाले विश्वकपमा स्थान पक्का गरेका छन् ।
एसिया क्षेत्रको छनौट अन्तर्गत समूह एमा रहेको दक्षिण कोरियाल उज्वेकिस्तानसँग गोलरहित बराबरीमा रोकिए पनि १० खेलबाट १५ अंकसहित दक्षिण कोरिया विश्वकपका लागि छनौट भएको हो । समूह ‘बी’ मा रहेको साउदी अरेबियाले जापानलाई १–० ले हराएर विश्वकपमा स्थान पक्का गरेको हो ।
योसँगै एसियाबाट सिधै छनौट हुने चार टिमको टुंगो लागेको छ । यसअघि इरान र जापानले विश्वकपमा स्थान बनाइसकेका थिए ।