पल्सर स्पोर्ट्स अवार्डमा मनिता श्रेष्ठ प्रधान वर्षको उत्कृष्ट युवा खेलाडी घोषित भएकी छन् । सोमबार भएको अवार्ड वितरण समारोह जुडोकी मनिताले उक्त अवार्ड जितेकी हुन् ।
मनिताले क्रिकेटका दीपेन्द्रसिंह ऐरी, फुटबलका अनन्त तामाङ, भारोत्तोलनकी कमला श्रेष्ठ र भलिबलकी प्रतिभा मालीलाई पछि पार्दै उक्त अवार्ड हात पारेकी हुन् ।
मिनिताले कोचीमा भएको १० औं क्याडेट एसियन जुडो च्याम्पियनसिपमा कांस्यपदक जितेकी थिइन् ।
उनले सातौं राष्ट्रिय खेलकुद, उपत्यकाव्यापी अम्बिका मेमोरियल च्याम्पियनसिप र ओलम्पिक डे सिनियर जुडोमा स्वर्ण जितेकी थिइन् ।