मलेसियामा जारी एसीसी यु १९ इस्टन रिजन छनौट प्रतियोगिताको आफ्नो दोस्रो खेलमा पनि नेपाल बिजयी भएको छ । नेपालले भुटानलाई ९ विकेटले पराजित गर्दै १ खेल बाँकी रहदै सेमिफाइनलमा स्थान सुरक्षित गरेको हो ।
भुटानले दिएको ५१ रनको लक्ष्य नेपालले १ विकेट गुमाएर ८.३ ओभरमा भेट्टायो । नेपालको लागि आशिफ शेखले नट आउट २३, सन्दिप सुनारले २१ तथा अनिल कुमार शाहले ४ रन जोडे ।
यस अघि पहिले टस जितेर ब्याटिंग गरेको भुटानले २८ ओभरमा अल आउट हुदै ५० रन मात्र जोडेको थियो ।
भुटानलाई सस्तैमा समेट्न कप्तान दिपेन्द्र सिंह ऐरीले ५ , सन्दिप लामिछानेले ४ र नन्दन यादवले १ विकेट लिए ।
आफ्नो पहिलो खेलमा नेपालले अनिलकुमार शाहको उत्कृष्ट ब्याटिङ र सन्दिप लामिछानेको बलिङको मदतमा थाइल्याण्डलाई २५५ रनले हराउन सफल भएको थियो।
यस समूहबाट नेपाल संगै सिंगापुर पनि एक खेल बाँकी रहदै सेमिफाइनलमा प्रवेश गरेको छ । अब भोली सेप्टेम्बर १४ तारिखमा हुने नेपाल र सिंगापुरबिचको खेलले समूह बिजेता तय गर्ने छ ।
समूह बी मा चीन, मलेसिया, हङकङ र म्यानमार छन् । छनोटको फाइनलमा पुग्ने दुई टोली एसिया कपको लागि छनोट हुनेछ ।