बिश्व क्रिकेट लिग च्याम्पियनसिप अन्तर्गतको नेपाल र हङकङबीचको खेल जारि छ।
ताजा अवस्थामा नेपालले ५ ओभरको खेल सकिंदा १ विकेटको क्षतिमा १० रन जोडेको छ । नेपालका सागर पुन ३ रन बनाएर आउट भएका हुन् । अहिले क्रिजमा कप्तान पारस खडका, र उपकप्तान ज्ञानेन्द्र मल्ल छन् ।
टस हारेर पहिले ब्याटिंग अग्रेको हङकङले नेपाललाईई १९५ रनको लक्ष्य दिएको छ । हङकङले निर्धारित ५० ओभरमा सबै विकेट गुमाएर १९४ रन जोडेको हो ।
पहिले बलिङ गरेको नेपालले घरेलु टिमको खाता खोल्न नपाउदै पहिलो विकेट लिएको थियो । लगातार तीन ओभर मेडेन राख्दै नेपालका लागि करण केसीले पहिलो विकेट लिएका थिए । दिपेन्द्र सिंह ऐरीले हङकङका कप्तान बाबर हायतलाई २९ रनमा रन आउट गरेका थिए ।
नेपालका लागि सन्दिप लामिछानेले ३, करण केसी र बसन्त रेग्मीले २/२ तथा सुशान भारीले १ विकेट लिए । २ खेलाडी भने रन आउट भएका थिए ।
सन् २०१९ मा हुने बिश्वकप क्रिकेटको छनोट चरणमा पुग्न नेपाललाई हङकङविरुद्धका दुवै खेल जित्नै पर्ने दवाव छ । अंक तालिका नेपाल छैठौं र हङकङ पांचौ स्थानमा छन् ।
हेर्नुस लाइभ ।