बिश्व क्रिकेट लिग च्याम्पियनसिप अन्तर्गत आज भएको खेलमा नेपाल हङकङसंग ८३ रनले पराजित भएको छ।हङकङले दिएको १९५ रन्को लक्ष्य लिएर मैदान उत्रेको नेपालले ३४.५ ओभर अल आउट हुदै १ सय ११ रन मात्र जोड्न सक्यो । नेपालका सागर पुनले ३ रन , ज्ञानेन्द्र मल्लले २१ रन, दिपेन्द्र सिंह एरिले ३ रन , कप्तान पारस खड्काले २६ रन , सोमपाल कामीले ११ रनमा र आरिफ शेखले २३ रन जोडे । बसन्त रेग्मी, करण केसी, सन्दिप लामिछाने, शुन्य रन मै आउट भए । त्यस्तै बिनोद भण्डारीले १८ रन जोड्दा सुशान भारी १ रनमा नट आउट रहे।
१९४ रन डिफेन्स गर्ने क्रममा हंगकंगका एजाज खानले ३ तथा एशान खानले ५ विकेट लिए ।
टस हारेर पहिले ब्याटिंग अग्रेको हङकङले नेपाललाईई १९५ रनको लक्ष्य दिएको थियो । हङकङले निर्धारित ५० ओभरमा सबै विकेट गुमाएर १९४ रन जोडेको हो ।
पहिले बलिङ गरेको नेपालले घरेलु टिमको खाता खोल्न नपाउदै पहिलो विकेट लिएको थियो । लगातार तीन ओभर मेडेन राख्दै नेपालका लागि करण केसीले पहिलो विकेट लिएका थिए । दिपेन्द्र सिंह ऐरीले हङकङका कप्तान बाबर हायतलाई २९ रनमा रन आउट गरेका थिए ।
नेपालका लागि सन्दिप लामिछानेले ३, करण केसी र बसन्त रेग्मीले २/२ तथा सुशान भारीले १ विकेट लिए । २ खेलाडी भने रन आउट भएका थिए ।
सन् २०१९ मा हुने बिश्वकप क्रिकेटको छनोट चरणमा पुग्न नेपाललाई हङकङविरुद्धका दुवै खेल जित्नै पर्ने दवाव थियो। अब डिभिजन २ मा शिर्ष २ स्थानमा रहेर बिश्वकप छनौटमा सहभागी हुने नेपालको सम्भावना भने कायमै छ । यस प्रतियोगितामा अन्तिम ४ मा पर्ने टोलीहरुले डिभिजन २ खेल्ने छन् ।