इंग्लिस प्रिमियर लिग फुटबल अन्तर्गत सोमबार रातिको खेल लेस्टर सिटी र वेष्ट ब्रोमबीचको खेल बराबरीमा रोकिएको छ । खेलमा लेस्टर सिटीले वेष्ट ब्रोमसँग १–१ को बराबरी खेल्दै अंक बाँड्न सफल भयो । पहिलो हाफमा गोलरहित बराबरी भएको खेलमा ६३ औं मिनेटमा नासर चाड्लीको गोलबाट वेष्ट ब्रोमले अग्रता लियो । तर ८० औं मिनेटमा रियाद महरेजले लेस्टर सिटीका लागि बराबरी गोल गरेर टिमलाई हारबाट जोगाए । बराबरीपछि ८ खेलबाट ६ अंक मात्रै जोडेको लेस्टर सिटी १८ औं स्थानमा छ । १० अंकसहित वेष्ट ब्रोम १० औं स्थानमा उक्लिएको छ ।