यू १९ एसिया कप क्रिकेटको तयारी स्वरुप अभ्यास खेल खेल्न नेपाली यु १९ टोली बंगलादेश जाने भएको छ । टोली आगामी सोमबार त्यसतर्फ प्रस्थान गर्न लागेको हो ।
बंगलादेश क्रिकेट बोर्डका अनुसार नेपालले बंगलादेशको यु १९ टोलीसँग बिहीबार, शनिबार र आइतबार ३ वटा एक दिबशीय खेल खेल्ने छ । सबै खेलहरु क्रिडा शिखा प्रतिष्ठानमा हुने बंगलादेश क्रिकेट बोर्डले जनाएको छ । टोली कार्तिक २० गतेसम्म त्यहाँ रहने छ ।
यू १९ एसिया कप क्रिकेट आगामी नोभेम्बर ९ देखि २० सम्म मलेसियामा हुँदैछ । प्रतियोगितामा एसियाका टेष्ट खेल्ने राष्ट्रहरुसहित आयोजक मलेसिया र नेपाल सहभागी हुँदैछन् ।