आठ बर्षपछि पाकिस्तानमा भएको अन्तराष्ट्रिय क्रिकेट खेलमा पाकिस्तानले श्रीलंका बिरुद्द जित हासिल गरेको छ। श्रीलंका बिरुद्दको एक दिवसीय खेल आफ्नो पक्षमा लिएको पाकिस्तानले टि२० सिरिजपनि ३-० ले जित हासिल गरेको छ।
पाकिस्तानले दिएको १८० रनको लक्ष्य पछ्याएको श्रीलंका मात्र १४४ रन जोड्दै अल आउट भएको छ। श्रीलंकालाई सस्तोमा नै समेट्ने क्रममा मोहम्मद आमिरले ४, फहिम असरफले २ र इमाद वसीम, हसन अलि तथा मुहम्मद हफिजले समान एक एक विकेट लिए।
पहिले ब्याटिङ गरेको पाकिस्तानले मात्र ३ विकेटको क्षतिमा १८० रन जोड्यो। पाकिस्तानका लागि सोयब मलिकले सर्वाधिक ५१ रन जोडे भने उमर अमिन र बबर आजिमले ३४ र ३१ रनको योगदान गरे।
पाकिस्तानमा ८ बर्षपछि पहिलो पटक अन्तर्राष्ट्रिय क्रिकेट भएको छ। यसले उँधोगतिमा गएको पाकिस्तानको क्रिकेटको भविष्यलाई पुन: एकपटक जीवित बनाएको छ। सन २००९ मा पाकिस्तानमा पाकिस्तान र श्रीलंकाबीचको खेलमा आक्रमण भएको झन्डै ८ बर्षपछि त्यहाँ पहिलो पटक उच्च तहको अन्तराष्ट्रिय खेल भएको हो। पाकिस्तान क्रिकेट बोर्डका अध्यक्ष नजाम सेठीले आजको खेललाई 'ऐतिहासिक क्षण' भन्दै खुसि व्यक्त गरेका छन।